فـــداك القلب يايمـــــه

عدد الرسائل : 128 تاريخ التسجيل : 18/05/2007

قصيدة كتبها شاب

صار له حادث سيارة ووالدته كانت معاه وكان مسرعا
نتيجة هذا الحادث الوالدة توفت نتيجة الإصابات الخطيرة
وهو إصابته كانت خفيفة وهذي الأبيات قالها للي يواسونه

يواسيني وانا الميـــت وحالي يجبر الدمعـــات
تسيل من الذي فيـــني ويبكي وهو يواسيـــــني

وانا ابكي واتنـــــهد وارسم بالحزن لوحــــات
يجبروني عشـــان امشي ورجلي ما تمشيـــني

قتلت رعايتي بيـدي قتلت الحب والرحمــــات
حرمت النـــــفس من حقها وانا ابكيها وتبكيني

وكنه حلم قدامي يقــــــيدني من الصرخــــات
ابي اصحى ولكني عجزت القى الي يصحيني

فـــــداك القلب يايمـــه ومهما قلت من كلمـات
صغيره في كبر حقــك بس اتمنى تعـــــذريني

نهبت الفرح من بيتي صحيح اني خسيس الذات
صحــيح اني ولد طايش وكل ما أسمعه فيـــني

تجول عيـــــونهم فيني تفصل مني قيـــــاسات
وتشــــيح وجوههم عني وكنـــي غيرت ديـني

يظنــوا حزنهم اكبر وهم اصحاب هالمــــأساة
وانا اتحـــدى اذا فيهم ربع ما يحــــــترق فيني

نقص قدري بعد موتك وغابت نشوة اللــــذات
وصـــــار الهم عكـازي اباكيـــه ويباكيــــــني

عطيتيني بدون حساب ولا سمعتك تقولي هـات
وانا اشرب حيـل من دمك ودمك ما يكفيـــــني

يايمــــه ارجعي كافي ابجلس معك لو لحظات
واقبـــل ايدك ورجلك وافرش لك رمش عيني

يايمــــــــــه ما تحملهم يقـولوا فات ما قد مات
تعالي غيري هالقــــــول واطيـعك باقي سنيني

واترك عـــادة التدخيــــن وانفذ ما تبي بسكات
واصلي الفجر في المسجد قبل منتي تصحيني

يايمـــــــه ارجعي تكفين وطفي شمعة الآهات
ابيك انتــــي ولا غيرك على موتك تعــــزيني

وضميـــــــني وداويني مثل ما كانت الهقوات
ما ابي احدن يواسيــــــني ابيك انتي تواسيني

دخيلك بس لا تبكي اذا شفتي بي الدمعــــــات
انا مقــــوى ابكيـــــــك اذا انتــــي تبكيــــــني

منقول

وتقبلوا فايق تحياتي

وااااااااااي والله العظيم يقطع القلب
وانا اقرا ابجي Sad

القصيده اتينن بس اتبجي

لا حول ولا قوه الا بالله

مشكوره اختي دعاني الشوق